tez mujh par jo sitamgar ki chhuri hoti hai

tez mujh par jo sitamgar kī chhurī hotī hai

kījiye kyā ki lagī dil kī burī hotī hai

man.a kartā hai taḌapne se qafas meñ sayyād

naale kartā huuñ to gardan pe chhurī hotī hai

har badī kartī hai insān ko duniyā meñ halāk

sam-e-qātil hai vo aadat jo burī hotī hai

ahl-e-dil ishq meñ dam maar sakeñ kyā mumkin

rag-e-jāñ ke liye har saañs chhurī hotī hai

baiTh kyuuñ bāda-kashoñ meñ ki hoñ gum hosh-o-havās

sohbat-e-ahl-e-ḳharābāt burī hotī hai

tez mujh par jo sitamgar ki chhuri hoti hai

kijiye kya ki lagi dil ki buri hoti hai

mana karta hai taDapne se qafas mein sayyaad

nale karta hun to gardan pe chhuri hoti hai

har badi karti hai insan ko duniya mein halak

sam-e-qatil hai wo aadat jo buri hoti hai

ahl-e-dil ishq mein dam mar saken kya mumkin

rag-e-jaan ke liye har sans chhuri hoti hai

baiTh kyun baada-kashon mein ki hon gum hosh-o-hawas

sohbat-e-ahl-e-KHarabaat buri hoti hai