tezi tere mizhgan ki ye nashtar se kahunga

tezī tire mizhgāñ kī ye nashtar se kahūñgā

abrū kī shikāyat dam-e-ḳhanjar se kahūñgā

ham-rañg-e-sham.a ishq meñ tere huuñ va-lekin

ye soz-e-jigar ātish mujmar se kahūñgā

dekhā huuñ maiñ jis roz se tujh husn kā jhalkā

hai dil meñ kabhī jāma-e-anvar se kahūñgā

tañgī jo tire pista-dahan kī hai sarāsar

sar-basta suḳhan ġhuncha-e-jauhar se kahūñgā

sairāb na huuñ tujh lab-e-shīrīñ se agar maiñ

ye tishna-labī chashma-e-kausar se kahūñgā

būjhā hai 'alīm' aaj ki hai husn kā tū ganj

ye ḳhush-ḳhabarī āshiq-e-be-zar se kahūñgā

tezi tere mizhgan ki ye nashtar se kahunga

abru ki shikayat dam-e-KHanjar se kahunga

ham-rang-e-shama ishq mein tere hun wa-lekin

ye soz-e-jigar aatish mujmar se kahunga

dekha hun main jis roz se tujh husn ka jhalka

hai dil mein kabhi jama-e-anwar se kahunga

tangi jo tere pista-dahan ki hai sarasar

sar-basta suKHan ghuncha-e-jauhar se kahunga

sairab na hun tujh lab-e-shirin se agar main

ye tishna-labi chashma-e-kausar se kahunga

bujha hai 'alim' aaj ki hai husn ka tu ganj

ye KHush-KHabari aashiq-e-be-zar se kahunga