tha makan-e-dil kisi aur ka pa raha basa koi dusra

thā makān-e-dil kisī aur kā pa rahā basā koī dūsrā

maiñ kisī ke hijr meñ muztarib mujhe chāhtā koī dūsrā

tirā rañg sab se judā sahī tirī shakl sab se hasīñ magar

mirā mubtadā koī aur hai mirā muntahā koī dūsrā

mire log gard-o-ġhubār meñ tire yaar tere dayār meñ

tū asīr-e-manzil-e-shash-jihat mirā rāsta koī dūsrā

maiñ zarā sī baat pe ruuTh kar to nahīñ gayā tirī bazm se

mire mehrbāñ kabhī sochtā thā mo.āmla koī dūsrā

yahī āsmāñ mirā aasrā yahī ḳhāk-e-ḳhil.at-e-be-bahā

mirī jā.edād-e-junūñ jise nahīñ bāñTtā koī dūsrā

tha makan-e-dil kisi aur ka pa raha basa koi dusra

main kisi ke hijr mein muztarib mujhe chahta koi dusra

tera rang sab se juda sahi teri shakl sab se hasin magar

mera mubtada koi aur hai mera muntaha koi dusra

mere log gard-o-ghubar mein tere yar tere dayar mein

tu asir-e-manzil-e-shash-jihat mera rasta koi dusra

main zara si baat pe ruTh kar to nahin gaya teri bazm se

mere mehrban kabhi sochta tha moamla koi dusra

yahi aasman mera aasra yahi KHak-e-KHilat-e-be-baha

meri jaedad-e-junun jise nahin banTta koi dusra