tha zuleKHa ko jo jaan se mah-e-kanan aziz

thā zuleḳhā ko jo jaañ se mah-e-kan.ān aziiz

ham ne bhī tujh se to be-mehr na kī jaan aziiz

kal mujhe qatl kar us dushman-e-dīñ kāfir ne

bolā logoñ se ye thā mard-e-musalmān aziiz

kyuuñ na vo mus.haf-e-rū jaañ se mujhe hove ziyād

kis musalmāñ ko nahīñ diin aur īmān aziiz

ḳhāksār arsh se bhī dekhā pare terā mizāj

aap meñ aa zarā apne ta.iiñ pahchān aziiz

tha zuleKHa ko jo jaan se mah-e-kanan aziz

hum ne bhi tujh se to be-mehr na ki jaan aziz

kal mujhe qatl kar us dushman-e-din kafir ne

bola logon se ye tha mard-e-musalman aziz

kyun na wo mushaf-e-ru jaan se mujhe howe ziyaad

kis musalman ko nahin din aur iman aziz

KHaksar arsh se bhi dekha pare tera mizaj

aap mein aa zara apne tain pahchan aziz