ٹھہر کے چھت پے ہواؤں کو روک رکھا ہے

ٹھہر کے چھت پے ہواؤں کو روک رکھا ہے

یہ کس نے چاند ستاروں کو روک رکھا ہے

بھلی نہیں ہے یہ دنیا پہ تیری آنکھوں نے

ہم ایسے جانے ہی کتنوں کو روک رکھا ہے

لپٹ تو جائیں یہ جاتے ہوئے پرندوں سے

مگر انا نے درختوں کو روک رکھا ہے

ذرا سا رو یہ جبیں چوم اور جانے دے

تری خموشی نے قدموں کو روک رکھا ہے

لگا ہے ہم کو ملانے میں جذب عشق مگر

عجیب خوف نے دونوں کو روک رکھا ہے

اگرچہ آ چکا ہے کب سے منظر ہجرت

ہمیں نے اپنی ان آنکھوں کو روک رکھا ہے

بچا تو کچھ بھی نہیں ان ضعیف پیڑوں میں

تو کیا ہے جس نے پرندوں کو روک رکھا ہے