Thaharne ko hai basti ke dar-o-diwar par pani

Thaharne ko hai bastī ke dar-o-dīvār par paanī

ki ab patthar meñ Dhaltī jā rahī hai mauj-e-hairānī

ḳhayāl aatā hai shahr-e-ārzū ko chhoḌ dene kā

bahut dushvār ho jaatī hai jab bhī koī āsānī

yaqīñ aayā ki arzāñ hai matā-e-lutf duniyā meñ

natīja hai adū kī qadr karne kā pashemānī

musalsal baḌh rahā huuñ jāda-e-islām par ab tak

magar ḳhush aa.egā kis ko mirā turr-e-musalmānī

vahī sūrat vahī atvār-e-nek-o-bad vahī lahja

vo pal-bhar meñ kahīñ se DhūñD laayā hai mirā saanī

mire sheroñ meñ bahtā hai samundar mere virse kā

ki maiñ gulshan-tarāz-e-rañg-e-sohbāñ huuñ na ḳhāqānī

judā.ī kī kasak miT jā.egī 'sājid' mire dil se

agar pahchān le baḌh kar mujhe vo dilbar-e-jānī

Thaharne ko hai basti ke dar-o-diwar par pani

ki ab patthar mein Dhalti ja rahi hai mauj-e-hairani

KHayal aata hai shahr-e-arzu ko chhoD dene ka

bahut dushwar ho jati hai jab bhi koi aasani

yaqin aaya ki arzan hai mata-e-lutf duniya mein

natija hai adu ki qadr karne ka pashemani

musalsal baDh raha hun jada-e-islam par ab tak

magar KHush aaega kis ko mera turr-e-musalmani

wahi surat wahi atwar-e-nek-o-bad wahi lahja

wo pal-bhar mein kahin se DhunD laya hai mera sani

mere sheron mein bahta hai samundar mere wirse ka

ki main gulshan-taraaz-e-rang-e-sohban hun na KHaqani

judai ki kasak miT jaegi 'sajid' mere dil se

agar pahchan le baDh kar mujhe wo dilbar-e-jaani