Thahra ke ek adhuri mulaqat der tak

Thahrā ke ek adhūrī mulāqāt der tak

do saa.e sar-ba-zānū the kal raat der tak

niklā na saañs bhar kisī gul-dā.ere se paañv

thī mahv-e-bāzgasht koī baat der tak

maiñ rasm-e-alvidā.a meñ bhī kam-suḳhan rahā

lahrā.e baar baar mire haath der tak

aur shart-e-guftugū ko tarah de ke ek baar

vo bhī sulag uThā thā mire saath der tak

tartīb boltī hai salīqa usī kā hai

ye haath chhū na pā.eñge sauġhāt der tak

Thahra ke ek adhuri mulaqat der tak

do sae sar-ba-zanu the kal raat der tak

nikla na sans bhar kisi gul-daere se panw

thi mahw-e-bazgasht koi baat der tak

main rasm-e-alwidaa mein bhi kam-suKHan raha

lahrae bar bar mere hath der tak

aur shart-e-guftugu ko tarah de ke ek bar

wo bhi sulag uTha tha mere sath der tak

tartib bolti hai saliqa usi ka hai

ye hath chhu na paenge saughat der tak