Thahre pani mein nihan ek hasin KHwab bhi hai
Interesting Fact
Aaj Kal, Delhi
Thahre paanī meñ nihāñ ek hasīñ ḳhvāb bhī hai
aas kī jhiil meñ aks-e-ruḳh-e-mahtāb bhī hai
dasht-e-tanhā.ī ke tapte hue vīrāne meñ
terī yādoñ kā hai ik peḌ jo shādāb bhī hai
paar karnā baḌā mushkil hai ki ye bahr-e-havas
kahīñ gahrā hai bahut aur kahīñ pāyāb bhī hai
is kī tasvīr meñ āñkhoñ meñ basā luuñ ki ye shai
laakh arzāñ sahī mere liye nāyāb bhī hai
yuuñ to lagtā hai samundar baḌā ḳhāmosh magar
us ke siine meñ nihāñ karb kā sailāb bhī hai
ye tamannāoñ kī sūkhī huī nadī 'aḳhtar'
apnī āñkhoñ meñ sajā.e hue ik ḳhvāb bhī hai
Thahre pani mein nihan ek hasin KHwab bhi hai
aas ki jhil mein aks-e-ruKH-e-mahtab bhi hai
dasht-e-tanhai ke tapte hue virane mein
teri yaadon ka hai ek peD jo shadab bhi hai
par karna baDa mushkil hai ki ye bahr-e-hawas
kahin gahra hai bahut aur kahin payab bhi hai
is ki taswir mein aankhon mein basa lun ki ye shai
lakh arzan sahi mere liye nayab bhi hai
yun to lagta hai samundar baDa KHamosh magar
us ke sine mein nihan karb ka sailab bhi hai
ye tamannaon ki sukhi hui nadi 'aKHtar'
apni aankhon mein sajae hue ek KHwab bhi hai
- Book : 1971 ki Muntakhab Shayri (Pg. 101)
- Author : Kumar Pashi, Prem Gopal Mittal
- Publication : P.K. Publishers, New Delhi (1972)
- Edition : 1972
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
