تھکا ہارا ہوا ہوں مت کہو کچھ

تھکا ہارا ہوا ہوں مت کہو کچھ

غموں میں مبتلا ہوں مت کہو کچھ

کوئی چلتا نہیں جس راستے پر

میں اس رہ پر چلا ہوں مت کہو کچھ

بھنور سے میں نکل کر آ گیا پر

بہت سہما ہوا ہوں مت کہو کچھ

لگا دی تھی کسی نے آگ مجھ میں

میں مشکل سے بجھا ہوں مت کہو کچھ

خطا وہ ہو گئی ہے مجھ سے خود کی

نظر سے گر رہا ہوں مت کہو کچھ

ہوا جو کچھ جہاں میں ساتھ میرے

میں سب کچھ کہہ چکا ہوں مت کہو کچھ

میں رستم تو نہیں ہوں پھر بھی احمدؔ

ذرا خود سے چھپا ہوں مت کہو کچھ