thakan se chur hain aur gard se aTe hain hum

thakan se chuur haiñ aur gard se aTe haiñ ham

nazar uThā ki tirī samt dekhte haiñ ham

vahī charāġh vahī maiñ vahī fusūñ terā

har ek baar yūñhī tujh ko chāhte haiñ ham

tire ḳhayāl kī ḳhushbū udaas kartī hai

tire sarāb kī vaadī meñ gūñjte haiñ ham

ye aur baat tire saath din guzartā hai

ye aur baat tirī niiñd meñ rahe haiñ ham

kabhī kabhī to yuuñ raste meñ shaam hotī hai

ki hausloñ kī tarah ḳhud meñ TūTte haiñ ham

thakan se chur hain aur gard se aTe hain hum

nazar uTha ki teri samt dekhte hain hum

wahi charagh wahi main wahi fusun tera

har ek bar yunhi tujh ko chahte hain hum

tere KHayal ki KHushbu udas karti hai

tere sarab ki wadi mein gunjte hain hum

ye aur baat tere sath din guzarta hai

ye aur baat teri nind mein rahe hain hum

kabhi kabhi to yun raste mein sham hoti hai

ki hauslon ki tarah KHud mein TuTte hain hum