the jo do chaar mar gae hain kya

the jo do chaar mar ga.e haiñ kyā

vo mire yaar mar ga.e haiñ kyā

mere marne pe kyoñ nahīñ rote

sab ‘azādār mar ga.e haiñ kyā

ab kahāñ haiñ vo chārāgar mere

jā ke us paar mar ga.e haiñ kyā

vo tasallī jo dene aate the

dil-e-bīmār mar ga.e haiñ kyā

har taraf pārsā hī baiThe haiñ

sab gunahgār mar ga.e haiñ kyā

kyoñ hai vīrānī mai-kade meñ aaj

saare mai-ḳhvār mar ga.e haiñ kyā

shahr-e-ḳhasta ye kyā huā tujh ko

tere me'mār mar ga.e haiñ kyā

kyoñ ye kāsa-ba-dast haiñ hākim

jo the ḳhud.dār mar ga.e haiñ kyā

dhuul jamne lagī hai ḳhvāboñ par

sab ḳharīdār mar ga.e haiñ kyā

jo parinde shajar kī raunaq the

vo nadī-pār mar ga.e haiñ kyā

the jo do chaar mar gae hain kya

wo mere yar mar gae hain kya

mere marne pe kyon nahin rote

sab ‘azadar mar gae hain kya

ab kahan hain wo chaaragar mere

ja ke us par mar gae hain kya

wo tasalli jo dene aate the

dil-e-bimar mar gae hain kya

har taraf parsa hi baiThe hain

sab gunahgar mar gae hain kya

kyon hai virani mai-kade mein aaj

sare mai-KHwar mar gae hain kya

shahr-e-KHasta ye kya hua tujh ko

tere me'mar mar gae hain kya

kyon ye kasa-ba-dast hain hakim

jo the KHuddar mar gae hain kya

dhul jamne lagi hai KHwabon par

sab KHaridar mar gae hain kya

jo parinde shajar ki raunaq the

wo nadi-par mar gae hain kya