thi jis ki saltanat kabhi hadd-e-nigah tak

thī jis kī saltanat kabhī hadd-e-nigāh tak

miltī nahīñ hai us ko kahīñ ab panāh tak

kuchh nek log nār-e-hasad se sulag uThe

pahuñchā jo terā faiz ham ahl-e-gunāh tak

maañ baap ke vajūd se raushan hai itnā ghar

tārīk lag rahe haiñ mujhe mehr-o-māh tak

but-ḳhāna-e-dimāġh kā jaadū utar gayā

pahuñche jab apne dil kī hasīñ ḳhānqāh tak

shatranj khelne meñ hue is tarah magan

dushman kī teġh aa ga.ī ālam-panāh tak

bas itnā hī nahīñ mirā qātil barī huā

mujrim batā diye ga.e mere gavāh tak

denā thā jin ko sher se paiġhām-e-inqalāb

mahdūd ho chuke haiñ faqat vaah vaah tak

sach bolne ke shauq meñ toḌā hai ek dil

nekī ke rāste se ga.e ham gunāh tak

kin kin aziyyatoñ se guzarnā paḌā hameñ

paane se le ke aap ko khone kī chaah tak

terī siyāh chashm se pur-nūr ek raah

aatī hai is 'nabīl' ke qalb-e-siyāh tak

thi jis ki saltanat kabhi hadd-e-nigah tak

milti nahin hai us ko kahin ab panah tak

kuchh nek log nar-e-hasad se sulag uThe

pahuncha jo tera faiz hum ahl-e-gunah tak

man bap ke wajud se raushan hai itna ghar

tarik lag rahe hain mujhe mehr-o-mah tak

but-KHana-e-dimagh ka jadu utar gaya

pahunche jab apne dil ki hasin KHanqah tak

shatranj khelne mein hue is tarah magan

dushman ki tegh aa gai aalam-panah tak

bas itna hi nahin mera qatil bari hua

mujrim bata diye gae mere gawah tak

dena tha jin ko sher se paigham-e-inqalab

mahdud ho chuke hain faqat wah wah tak

sach bolne ke shauq mein toDa hai ek dil

neki ke raste se gae hum gunah tak

kin kin aziyyaton se guzarna paDa hamein

pane se le ke aap ko khone ki chah tak

teri siyah chashm se pur-nur ek rah

aati hai is 'nabil' ke qalb-e-siyah tak