thi jo anhoni usi baat ko karte dekha

thī jo anhonī usī baat ko karte dekhā

jiite jī dil ko ka.ī martaba marte dekhā

vaqt ko ranj meñ Thahrā huā paayā ham ne

barq-pā gar use rāhat meñ guzarte dekhā

ro ke jī ho gayā halkā to damak uTThā muñh

phuul ko os kī būñdoñ se nikharte dekhā

pyaar hī pyaar meñ jo zaḳhm lagāyā thā kabhī

taaza kuchh aur ugā jab use bharte dekhā

vo ki Thahrāyā gayā thā jise vāzeh mamnūa

ham ne har shaḳhs ko us rah se guzarte dekhā

chāñd ko chāhā ki vo us ke muqābil utre

chehra ā.īne meñ us ne jo sañvarte dekhā

'shaukat' is dahr ko jitnā bhī sameTā ham ne

aap ko phir isī nisbat se bikharte dekhā

thi jo anhoni usi baat ko karte dekha

jite ji dil ko kai martaba marte dekha

waqt ko ranj mein Thahra hua paya hum ne

barq-pa gar use rahat mein guzarte dekha

ro ke ji ho gaya halka to damak uTTha munh

phul ko os ki bundon se nikharte dekha

pyar hi pyar mein jo zaKHm lagaya tha kabhi

taza kuchh aur uga jab use bharte dekha

wo ki Thahraya gaya tha jise wazeh mamnua

hum ne har shaKHs ko us rah se guzarte dekha

chand ko chaha ki wo us ke muqabil utre

chehra aaine mein us ne jo sanwarte dekha

'shaukat' is dahr ko jitna bhi sameTa hum ne

aap ko phir isi nisbat se bikharte dekha