thi kahan jurat kisi mein han magar usne kiya

thī kahāñ jur.at kisī meñ haañ magar us ne kiyā

dil ke is ḳhālī makāñ ko aaj ghar us ne kiyā

ik zamāna thā ki duniyā thī mire qadmoñ tale

phir zamāne bhar se mujh ko be-ḳhabar us ne kiyā

maiñ ne jis kī raah meñ dil ko jalā kar rakh diyā

mujh ko sīdhe rāste se dar-ba-dar us ne kiyā

mast nazroñ ke sharābī ko bhalā kyā chāhiye

ik jhalak ke vāste kitnā safar us ne kiyā

phuul ḳhushbū rañg titlī isti.āre haiñ magar

mujh ko ye sab naam de kar mo'atabar us ne kiyā

aaj us ke dil meñ merī yaad phir raushan huī

aaj phir raushan diyā dīvār par us ne kiyā

haath meñ vo haath merā thaam kar chaltā rahā

zindagī ke fāsloñ ko muḳhtasar us ne kiyā

phuul kaliyāñ jis ke collar meñ sajā kar aa ga.ī

zindagī kī ketiyoñ ko be-samar us ne kiyā

jis ke hoñToñ par tabassum thā 'tabassum' ke liye

vo tabassum ġhair ke phir naam par us ne kiyā

thi kahan jurat kisi mein han magar us ne kiya

dil ke is KHali makan ko aaj ghar us ne kiya

ek zamana tha ki duniya thi mere qadmon tale

phir zamane bhar se mujh ko be-KHabar us ne kiya

main ne jis ki rah mein dil ko jala kar rakh diya

mujh ko sidhe raste se dar-ba-dar us ne kiya

mast nazron ke sharabi ko bhala kya chahiye

ek jhalak ke waste kitna safar us ne kiya

phul KHushbu rang titli istiare hain magar

mujh ko ye sab nam de kar mo'atabar us ne kiya

aaj us ke dil mein meri yaad phir raushan hui

aaj phir raushan diya diwar par us ne kiya

hath mein wo hath mera tham kar chalta raha

zindagi ke faslon ko muKHtasar us ne kiya

phul kaliyan jis ke collar mein saja kar aa gai

zindagi ki ketiyon ko be-samar us ne kiya

jis ke honTon par tabassum tha 'tabassum' ke liye

wo tabassum ghair ke phir nam par us ne kiya