تھی نظارے کی گھات آنکھوں میں
تھی نظارے کی گھات آنکھوں میں
کٹ گئی ساری رات آنکھوں میں
دیکھو ان آنکھوں کی سخن گوئی
ہے شرارت کی بات آنکھوں میں
تلخ باتیں ہیں میٹھی نظریں ہیں
زہر منہ میں بنات آنکھوں میں
رونا قسمت میں ہے مروں کیوں کر
ہے یہ آب حیات آنکھوں میں
وہ جو دیکھے جیوں نہ دیکھے مروں
ہے حیات و ممات آنکھوں میں
دیکھیے چشم عفو رحمت سے
مہرؔ کی ہے نجات آنکھوں میں
مأخذ :
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
