thi ye ummid ki wo lauT ke ghar aaega

thī ye ummīd ki vo lauT ke ghar aa.egā

kyā ḳhabar thī ki ba-andāz-e-digar aa.egā

ka.ī zaḳhmoñ ke khañDar ab bhī haiñ mere dil par

jab kuredoge nayā rañg ubhar aa.egā

muskurā.egī jab āñkhoñ meñ sitāroñ kī laḌī

aa.ina ban ke hasīñ ḳhvāb nazar aa.egā

jab bhī lahrā.egī palkoñ pe tirī yaad kī shaam

dil kī vaadī meñ nayā chāñd utar aa.egā

dil kī rāhoñ kā muqaddar hai sarāboñ kā safar

jo bhī aa.egā yahāñ ḳhāk-basar aa.egā

sañg bāroñ kī ye bastī hai yahāñ ai shāhīn

kaun hai le ke jo shīshe kā jigar aa.egā

thi ye ummid ki wo lauT ke ghar aaega

kya KHabar thi ki ba-andaz-e-digar aaega

kai zaKHmon ke khanDar ab bhi hain mere dil par

jab kuredoge naya rang ubhar aaega

muskuraegi jab aankhon mein sitaron ki laDi

aaina ban ke hasin KHwab nazar aaega

jab bhi lahraegi palkon pe teri yaad ki sham

dil ki wadi mein naya chand utar aaega

dil ki rahon ka muqaddar hai sarabon ka safar

jo bhi aaega yahan KHak-basar aaega

sang baron ki ye basti hai yahan ai shahin

kaun hai le ke jo shishe ka jigar aaega