Thikane yun to hazaron tere jahan mein the

Thikāne yuuñ to hazāroñ tire jahān meñ the

koī sadā hameñ rokegī is gumān meñ the

ajiib bastī thī chehre to apne jaise the

magar sahīfe kisī ajnabī zabān meñ the

bahut ḳhushī huī tarkash ke ḳhālī hone par

zarā jo ġhaur kiyā tiir sab kamān meñ the

ilaaj DhūñDh nikāleñge apnī vahshat kā

junūñ-navāz abhī tak isī gumān meñ the

ham ek aisī jagah jā ke lauT kyuuñ aa.e

jahāñ sunā hai ki sab āḳhirī zamān meñ the

Thikane yun to hazaron tere jahan mein the

koi sada hamein rokegi is guman mein the

ajib basti thi chehre to apne jaise the

magar sahife kisi ajnabi zaban mein the

bahut KHushi hui tarkash ke KHali hone par

zara jo ghaur kiya tir sab kaman mein the

ilaj DhunDh nikalenge apni wahshat ka

junun-nawaz abhi tak isi guman mein the

hum ek aisi jagah ja ke lauT kyun aae

jahan suna hai ki sab aaKHiri zaman mein the