thoDa sa aur mujhko tu apne qarib kar

thoḌā sā aur mujh ko tū apne qarīb kar

nekī isī kā naam hai mere habīb kar

kyā kyā nahīñ sunā tire baare meñ āj-kal

uTh kar dikhā dhamāl yā kuchh to ajiib kar

pahle bhī muflisī kī huuñ sidra pe yaar maiñ

dāman chhuḌā ke aur na mujh ko ġharīb kar

mānūs ho chukā huuñ maiñ is ārize se ab

apnā tujhe jo kaam hai jā ke tabīb kar

detā huuñ vāsta maiñ tujhe panjatan kā aaj

ai zāt-e-lam-yazl mere achchhe nasīb kar

hijrat ke is azaab se ḳhā.if nahīñ 'sahar'

lekin nazar se duur ye merā raqīb kar

thoDa sa aur mujh ko tu apne qarib kar

neki isi ka nam hai mere habib kar

kya kya nahin suna tere bare mein aaj-kal

uTh kar dikha dhamal ya kuchh to ajib kar

pahle bhi muflisi ki hun sidra pe yar main

daman chhuDa ke aur na mujh ko gharib kar

manus ho chuka hun main is aarize se ab

apna tujhe jo kaam hai ja ke tabib kar

deta hun wasta main tujhe panjatan ka aaj

ai zat-e-lam-yazl mere achchhe nasib kar

hijrat ke is azab se KHaif nahin 'sahar'

lekin nazar se dur ye mera raqib kar