Thokaren kha ke sambhalna nahin aata hai mujhe
Thokareñ khā ke sambhalnā nahīñ aatā hai mujhe
chal mire saath ki chalnā nahīñ aatā hai mujhe
apnī āñkhoñ se bahā de koī mere aañsū
apnī āñkhoñ se nikalnā nahīñ aatā hai mujhe
ab tirī garmi-e-āġhosh hī tadbīr kare
mom ho kar bhī pighalnā nahīñ aatā hai mujhe
shaam kar detā hai aksar koī zulfoñ vaalā
varna vo din huuñ ki Dhalnā nahīñ aatā hai mujhe
kitne dil toḌ chukā huuñ isī be-hunarī se
jaal meñ phañs ke nikalnā nahīñ aatā hai mujhe
beach dariyā ke maiñ dariyā to badal saktā huuñ
apnī kashtī ko badalnā nahīñ aatā hai mujhe
apne ma.anī ko badalnā to mujhe aatā hai
in ke lafzoñ ko badalnā nahīñ aatā hai mujhe
'farhat-ehsās' taraqqī nahīñ karnī mujh ko
itnī raftār se chalnā nahīñ aatā hai mujhe
Thokaren kha ke sambhalna nahin aata hai mujhe
chal mere sath ki chalna nahin aata hai mujhe
apni aankhon se baha de koi mere aansu
apni aankhon se nikalna nahin aata hai mujhe
ab teri garmi-e-aghosh hi tadbir kare
mom ho kar bhi pighalna nahin aata hai mujhe
sham kar deta hai aksar koi zulfon wala
warna wo din hun ki Dhalna nahin aata hai mujhe
kitne dil toD chuka hun isi be-hunari se
jal mein phans ke nikalna nahin aata hai mujhe
beach dariya ke main dariya to badal sakta hun
apni kashti ko badalna nahin aata hai mujhe
apne mani ko badalna to mujhe aata hai
in ke lafzon ko badalna nahin aata hai mujhe
'farhat-ehsas' taraqqi nahin karni mujh ko
itni raftar se chalna nahin aata hai mujhe
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
