ٹھکرا کے سب کو تیری تمنا کرے کوئی

ٹھکرا کے سب کو تیری تمنا کرے کوئی

تو بھی نہ مل سکے تو بتا کیا کرے کوئی

اتنا محال بھی تو نہیں ہے علاج غم

اک بار موت کی بھی تمنا کرے کوئی

شاید نکال دوں میں تری یاد ذہن سے

پہلے ترا جواب تو پیدا کرے کوئی

نسبت نہیں کسی کو کسی سے کسی طرح

پھر بھی کسی کو غیر نہ سمجھا کرے کوئی

مدت سے لٹ رہا ہوں اسی انتظار میں

شاید مرے خلوص کا چرچا کرے کوئی

عشرتؔ مرے خلوص کا انجام دیکھ کر

اب کس سے دوستی کی تمنا کرے کوئی