tir nikla kaman se aaKHir

tiir niklā kamān se āḳhir

ham ga.e apnī jaan se āḳhir

pastiyoñ ne sila diyā aisā

jā mile āsmān se āḳhir

maqtal-e-zīst meñ ba-faiz-e-junūñ

ham mare ān-bān se āḳhir

jiite marte guzar ga.e ham bhī

manzil-e-imtihān se āḳhir

apne begāne be-sabab ai 'josh'

ho ga.e bad-gumān se āḳhir

tir nikla kaman se aaKHir

hum gae apni jaan se aaKHir

pastiyon ne sila diya aisa

ja mile aasman se aaKHir

maqtal-e-zist mein ba-faiz-e-junun

hum mare aan-ban se aaKHir

jite marte guzar gae hum bhi

manzil-e-imtihan se aaKHir

apne begane be-sabab ai 'josh'

ho gae bad-guman se aaKHir