tir par tir lage to bhi na paikan nikle

tiir par tiir lage to bhī na paikāñ nikle

yārab is ghar meñ jo aave na vo mehmāñ nikle

nek-o-bad meñ jo nahīñ jañg adam meñ to bhalā

kyuuñ gul o ḳhaar baham dast-o-garebāñ nikle

dast-e-chālāk junūñ siina ko bhī kar de chaak

tā kahīñ pahlū se mere dil-e-nālāñ nikle

kaun sī raat vo hove ki jo aave shab-e-vasl

kaun sā roz vo ho jo shab-e-hijrāñ nikle

gulshan-e-dil meñ bhī thī apnī kuchh ulTī tāsīr

tuḳhm-e-ummīd jo bo.e gul-e-hirmāñ nikle

kar nazar ruḳh ko tire kufr se nikle kāfir

zulf ko dekh tirī diiñ se musalmāñ nikle

jitnā kahte haiñ nikaltā hai 'hasan' ghar se tire

ġhusse ho ho yahī kahtā hai abhī haañ nikle

tir par tir lage to bhi na paikan nikle

yarab is ghar mein jo aawe na wo mehman nikle

nek-o-bad mein jo nahin jang adam mein to bhala

kyun gul o KHar baham dast-o-gareban nikle

dast-e-chaalak junun sina ko bhi kar de chaak

ta kahin pahlu se mere dil-e-nalan nikle

kaun si raat wo howe ki jo aawe shab-e-wasl

kaun sa roz wo ho jo shab-e-hijran nikle

gulshan-e-dil mein bhi thi apni kuchh ulTi tasir

tuKHm-e-ummid jo boe gul-e-hirman nikle

kar nazar ruKH ko tere kufr se nikle kafir

zulf ko dekh teri din se musalman nikle

jitna kahte hain nikalta hai 'hasan' ghar se tere

ghusse ho ho yahi kahta hai abhi han nikle