تیرہ بختی تنگ دستی سب مٹا سکتا ہوں میں

تیرہ بختی تنگ دستی سب مٹا سکتا ہوں میں

اپنی دنیا آپ چاہوں تو بنا سکتا ہوں میں

گل ہی کیا خاروں کی فصلیں بھی اگا سکتا ہوں میں

تم اگر چاہو تو یہ منظر دکھا سکتا ہوں میں

مجھ کو یہ بھی فخر ہے حاصل چراغ عشق کی

ایک لو سے سینکڑوں شمعیں جلا سکتا ہوں میں

میرے پیکر کو مزین آپ کر دیں تو ابھی

لائنیں کچھ کھینچ کر خاکہ بنا سکتا ہوں میں

آپ پر اطلاق ہے روئے سخن یعنی ضیاؔ

آپ فرمائیں کسے اپنا بنا سکتا ہوں میں