tira-baKHti tang-dasti sab miTa sakta hun main

tīra-baḳhtī tang-dastī sab miTā saktā huuñ maiñ

apnī duniyā aap chāhūñ to banā saktā huuñ maiñ

gul hī kyā ḳhāroñ kī fasleñ bhī ugā saktā huuñ maiñ

tum agar chāho to ye manzar dikhā saktā huuñ maiñ

mujh ko ye bhī faḳhr hai hāsil charāġh-e-ishq kī

ek lau se saiñkaḌoñ sham.eñ jalā saktā huuñ maiñ

mere paikar ko muzayyan aap kar deñ to abhī

lā.ineñ kuchh khīñch kar ḳhāka banā saktā huuñ maiñ

aap par itlāq hai rū-e-suḳhan ya.anī 'ziyā'

aap farmā.eñ kise apnā banā saktā huuñ maiñ

tira-baKHti tang-dasti sab miTa sakta hun main

apni duniya aap chahun to bana sakta hun main

gul hi kya KHaron ki faslen bhi uga sakta hun main

tum agar chaho to ye manzar dikha sakta hun main

mujh ko ye bhi faKHr hai hasil charagh-e-ishq ki

ek lau se sainkaDon shamen jala sakta hun main

mere paikar ko muzayyan aap kar den to abhi

lainen kuchh khinch kar KHaka bana sakta hun main

aap par itlaq hai ru-e-suKHan yani 'ziya'

aap farmaen kise apna bana sakta hun main