tirgi ki apni zid hai jugnuon ki apni zid

tīrgī kī apnī zid hai jugnuoñ kī apnī zid

Thokaroñ kī apnī zid hai hausloñ kī apnī zid

kaun sā qissa sunā.ūñ aap ko mushkil ye hai

āñsuoñ kī apnī zid hai qahqahoñ kī apnī zid

giit mere chuum ā.eñge tumheñ ban kar sabā

sarhadoñ kī apnī zid hai hasratoñ kī apnī zid

rāstoñ ne ḳhuub samjhāyā ulajhnā mat magar

rahzanoñ kī apnī zid hai rahbaroñ kī apnī zid

haa.e Tapkā hai lahū phir aaj ke aḳhbār se

chāquoñ kī apnī zid hai pasliyoñ kī apnī zid

dhaḌkanoñ kī baat mānūñ yā ki ā.īñe kī ab?

aarzū kī apnī zid hai jhurriyoñ kī apnī zid

tirgi ki apni zid hai jugnuon ki apni zid

Thokaron ki apni zid hai hauslon ki apni zid

kaun sa qissa sunaun aap ko mushkil ye hai

aansuon ki apni zid hai qahqahon ki apni zid

git mere chum aaenge tumhein ban kar saba

sarhadon ki apni zid hai hasraton ki apni zid

raston ne KHub samjhaya ulajhna mat magar

rahzanon ki apni zid hai rahbaron ki apni zid

hae Tapka hai lahu phir aaj ke aKHbar se

chaquon ki apni zid hai pasliyon ki apni zid

dhaDkanon ki baat manun ya ki aaine ki ab?

aarzu ki apni zid hai jhurriyon ki apni zid