Tis bhi Tis na thi zaKHm-e-jigar hone tak

Tiis bhī Tiis na thī zaḳhm-e-jigar hone tak

phuul bhī phuul na thā ḳhuun meñ tar hone tak

vahī haqdār hai sūraj kī kiran kā jis ne

raat kī zulf sañvārī hai sahar hone tak

taare dīvāne nahīñ haiñ ki jo thāme hī raheñ

dāman-e-shab ko garebān-e-sahar hone tak

pūchhiye ḳhizr se kyā vo bhī raheñge zinda

apnī bātoñ kā habāboñ pe asar hone tak

ek aañsū kī tarah tum mujhe ruḳhsat karnā

rok lo palkoñ pe āġhāz-e-safar hone tak

zindagānī kī haqīqat ko na samjhe 'saulat'

shā.irī karte rahe umr basar hone tak

Tis bhi Tis na thi zaKHm-e-jigar hone tak

phul bhi phul na tha KHun mein tar hone tak

wahi haqdar hai suraj ki kiran ka jis ne

raat ki zulf sanwari hai sahar hone tak

tare diwane nahin hain ki jo thame hi rahen

daman-e-shab ko gareban-e-sahar hone tak

puchhiye KHizr se kya wo bhi rahenge zinda

apni baaton ka hababon pe asar hone tak

ek aansu ki tarah tum mujhe ruKHsat karna

rok lo palkon pe aaghaz-e-safar hone tak

zindagani ki haqiqat ko na samjhe 'saulat'

shairi karte rahe umr basar hone tak