tilism-e-ism-e-mohabbat hai darpai-e-dar-e-dil

tilism-e-ism-e-mohabbat hai darpai-e-dar-e-dil

koī batā.e ab us kā kare to kyā kare dil

fusūn-e-jumbish-e-mizhgāñ na pūchhiye sar-e-rāh

pukārte hī rahe ham are are are dil

phir is ke ba.ad hameñ ye bhī to nahīñ rahā yaad

nazar girī hai kahāñ kho gayā kahāñ zar-e-dil

qadam qadam pe tirā ġham hai ḳhema-zan mirī jaañ

humak bhare bhī to āḳhir batā kahāñ bhare dil

ye kunj-e-lab ye ḳhumār-e-visāl apnī jagah

magar jo hijr musalsal bapā hai barsar-e-dil

ye tū jo mohr-ba-lab hai to kis liye 'ḳhāvar'

ye dekh kyā hai tah-e-dil hai aur kyā sar-e-dil

tilism-e-ism-e-mohabbat hai darpai-e-dar-e-dil

koi batae ab us ka kare to kya kare dil

fusun-e-jumbish-e-mizhgan na puchhiye sar-e-rah

pukarte hi rahe hum are are are dil

phir is ke baad hamein ye bhi to nahin raha yaad

nazar giri hai kahan kho gaya kahan zar-e-dil

qadam qadam pe tera gham hai KHema-zan meri jaan

humak bhare bhi to aaKHir bata kahan bhare dil

ye kunj-e-lab ye KHumar-e-visal apni jagah

magar jo hijr musalsal bapa hai barsar-e-dil

ye tu jo mohr-ba-lab hai to kis liye 'KHawar'

ye dekh kya hai tah-e-dil hai aur kya sar-e-dil