tilism-e-lafz-o-maani ko tar tar karen

tilism-e-lafz-o-ma.ānī ko taar taar kareñ

tasavvurāt kī nudrat ko āshkār kareñ

utaar laa.eñ falak se mah-o-nujūm tamām

zamīñ pe azmat-e-ādam ko ustuvār kareñ

haiñ samt samt ayaañ ḳhair-o-shar ke hañgāme

ki aadmī ko ḳhudā.ī kā rāz-dār kareñ

haiñ jam.a dahr meñ fitne sabhī qayāmat ke

ab aur kaun se mahshar kā intizār kareñ

guzar ke jā.eñge jis pul-sirāt se ik din

chalo usī ḳhat-e-qātil ko rahguzār kareñ

uThā hai jis kī latāfat se bandagī kā ḳhamīr

usī gunāh kī ismat pe jāñ-nisār kareñ

jalā.e rakhne 'samad' apnī aarzū ke charāġh

ajab nahīñ ki vo dāġh-e-jigar shumār kareñ

tilism-e-lafz-o-maani ko tar tar karen

tasawwuraat ki nudrat ko aashkar karen

utar laen falak se mah-o-nujum tamam

zamin pe azmat-e-adam ko ustuwar karen

hain samt samt ayan KHair-o-shar ke hangame

ki aadmi ko KHudai ka raaz-dar karen

hain jama dahr mein fitne sabhi qayamat ke

ab aur kaun se mahshar ka intizar karen

guzar ke jaenge jis pul-siraat se ek din

chalo usi KHat-e-qatil ko rahguzar karen

uTha hai jis ki latafat se bandagi ka KHamir

usi gunah ki ismat pe jaan-nisar karen

jalae rakhne 'samad' apni aarzu ke charagh

ajab nahin ki wo dagh-e-jigar shumar karen