tilism-e-shams-o-nujum-o-qamar se guzre hain

tilism-e-shams-o-nujūm-o-qamar se guzre haiñ

dayār-e-husn kī har rahguzar se guzre haiñ

koī bhī qalb-o-nazar ko asiir kar na sakā

hazār rang ke jalve nazar se guzre haiñ

har imtihān-e-azīmat se tere dīvāne

bahut vaqār baḌe karr-o-far se guzre haiñ

Thahar ga.ī haiñ vahīñ gardisheñ zamāne kī

balā-kashān-e-mohabbat jidhar se guzre haiñ

'na.īm' jin se ibārat hai zindagī kā sukūñ

vo hādsāt bhī merī nazar se guzre haiñ

tilism-e-shams-o-nujum-o-qamar se guzre hain

dayar-e-husn ki har rahguzar se guzre hain

koi bhi qalb-o-nazar ko asir kar na saka

hazar rang ke jalwe nazar se guzre hain

har imtihan-e-azimat se tere diwane

bahut waqar baDe karr-o-far se guzre hain

Thahar gai hain wahin gardishen zamane ki

bala-kashan-e-mohabbat jidhar se guzre hain

'naim' jin se ibarat hai zindagi ka sukun

wo hadsat bhi meri nazar se guzre hain