tilism-e-zat se bahar nikaliye

tilism-e-zāt se bāhar nikaliye

nazar ke ghaat se bāhar nikaliye

ujāle jaane kab se muntazir haiñ

añdherī raat se bāhar nikaliye

tasavvur se faqat hotā nahīñ kuchh

havā.ī baat se bāhar nikaliye

haiñ insāñ ke liye ye samm-e-qātil

burī ādāt se bāhar nikaliye

nadī naale sabhī umDe hue haiñ

bharī barsāt se bāhar nikaliye

kahīñ gum ho na jaa.eñ aap is meñ

hujūm-e-zāt se bāhar nikaliye

azāb-e-jāñ hai nā-karda gunāhī

in ilzāmāt se bāhar nikaliye

usūl-e-zindagī badlā huā hai

hasīñ lamhāt se bāhar nikaliye

badal jā.eñge roz-o-shab bhī 'siddīq'

hisār-e-zāt se bāhar nikaliye

tilism-e-zat se bahar nikaliye

nazar ke ghat se bahar nikaliye

ujale jaane kab se muntazir hain

andheri raat se bahar nikaliye

tasawwur se faqat hota nahin kuchh

hawai baat se bahar nikaliye

hain insan ke liye ye samm-e-qatil

buri aadat se bahar nikaliye

nadi nale sabhi umDe hue hain

bhari barsat se bahar nikaliye

kahin gum ho na jaen aap is mein

hujum-e-zat se bahar nikaliye

azab-e-jaan hai na-karda gunahi

in ilzamat se bahar nikaliye

usul-e-zindagi badla hua hai

hasin lamhat se bahar nikaliye

badal jaenge roz-o-shab bhi 'siddiq'

hisar-e-zat se bahar nikaliye