ترا حرف حرف کمال ہو مرے یار ایسی غزل کہو
ترا حرف حرف کمال ہو مرے یار ایسی غزل کہو
جو کسی کا کہنا محال ہو مرے یار ایسی غزل کہو
تری چاہتیں مرے واسطے نہ جدا کبھی بھی ہوں راستے
وہ جنوب ہو کہ شمال ہو مرے یار ایسی غزل کہو
میں نماز عشق ادا کروں کبھی بھول کر نہ قضا کروں
مرا رابطہ جو بحال ہو مرے یار ایسی غزل کہو
وہ غزل بھی ہو ہو وہ گیت بھی مری ہار بھی مری جیت بھی
وہ ندائے حسن و جمال ہو مرے یار ایسی غزل کہو
مرے عشق کی ہو وہ داستاں مرا درد و غم ہو مری فغاں
مری حسرتوں کا ملال ہو مرے یار ایسی غزل کہو
سر شام آج میں سو گیا کہ وہ خواب کا جو ہے سلسلہ
ترا میرا یوںہی وصال ہو مرے یار ایسی غزل کہو
نہ کسی نے ایسا کہا کبھی نہ کسی نے ایسا سنا کبھی
نہ کسی کا ایسا خیال ہو مرے یار ایسی غزل کہو
وہ جو صحن یار میں دن ڈھلے وہ جو خلوتوں کے ہیں سلسلے
مرے ہر جواز کی ڈھال ہو مرے یار ایسی غزل کہو
ترے عشق میں یوں دھمال ہو مجھے سانس لینا محال ہو
مرا انگ انگ نہال ہو مرے یار ایسی غزل کہو
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
