tera harf harf kamal ho mere yar aisi ghazal kaho

tirā harf harf kamāl ho mire yaar aisī ġhazal kaho

jo kisī kā kahnā muhāl ho mire yaar aisī ġhazal kaho

tirī chāhateñ mire vāste na judā kabhī bhī hoñ rāste

vo junūb ho ki shumāl ho mire yaar aisī ġhazal kaho

maiñ namāz-e-'ishq adā karūñ kabhī bhuul kar na qazā karūñ

mirā rābta jo bahāl ho mire yaar aisī ġhazal kaho

vo ġhazal bhī ho ho vo giit bhī mirī haar bhī mirī jiit bhī

vo nidā-e-husn-o-jamāl ho mire yaar aisī ġhazal kaho

mire 'ishq kī ho vo dāstāñ mirā dard-o-ġham ho mirī fuġhāñ

mirī hasratoñ kā malāl ho mire yaar aisī ġhazal kaho

sar-e-shām aaj maiñ so gayā ki vo ḳhvāb kā jo hai silsila

tirā merā yūñhī visāl ho mire yaar aisī ġhazal kaho

na kisī ne aisā kahā kabhī na kisī ne aisā sunā kabhī

na kisī kā aisā ḳhayāl ho mire yaar aisī ġhazal kaho

vo jo sahn-e-yār meñ din Dhale vo jo ḳhalvatoñ ke haiñ silsile

mire har javāz kī Dhaal ho mire yaar aisī ġhazal kaho

tire 'ishq meñ yuuñ dhamāl ho mujhe saañs lenā muhāl ho

mirā ang ang nihāl ho mire yaar aisī ġhazal kaho

tera harf harf kamal ho mere yar aisi ghazal kaho

jo kisi ka kahna muhaal ho mere yar aisi ghazal kaho

teri chahaten mere waste na juda kabhi bhi hon raste

wo junub ho ki shumal ho mere yar aisi ghazal kaho

main namaz-e-'ishq ada karun kabhi bhul kar na qaza karun

mera rabta jo bahaal ho mere yar aisi ghazal kaho

wo ghazal bhi ho ho wo git bhi meri haar bhi meri jit bhi

wo nida-e-husn-o-jamal ho mere yar aisi ghazal kaho

mere 'ishq ki ho wo dastan mera dard-o-gham ho meri fughan

meri hasraton ka malal ho mere yar aisi ghazal kaho

sar-e-sham aaj main so gaya ki wo KHwab ka jo hai silsila

tera mera yunhi visal ho mere yar aisi ghazal kaho

na kisi ne aisa kaha kabhi na kisi ne aisa suna kabhi

na kisi ka aisa KHayal ho mere yar aisi ghazal kaho

wo jo sahn-e-yar mein din Dhale wo jo KHalwaton ke hain silsile

mere har jawaz ki Dhaal ho mere yar aisi ghazal kaho

tere 'ishq mein yun dhamal ho mujhe sans lena muhaal ho

mera ang ang nihaal ho mere yar aisi ghazal kaho