tera hi rup nazar aae ja-ba-ja mujhko

tirā hī ruup nazar aa.e jā-ba-jā mujh ko

jo ho sake ye tamāshā na tū dikhā mujh ko

kabhī to koī falak se utar ke paas aa.e

kabhī to Dasne se baaz aa.e fāsla mujh ko

talāsh karte ho phūloñ meñ kaise pāgal ho

uḌā ke le bhī ga.ī sub.h kī havā mujh ko

kise ḳhabar ki sadā kis taraf se aa.egī

kahāñ se aa ke uThā.egā qāfila mujh ko

mirā hī naqsh-e-qadam thā mire ta.āqub meñ

vagarna laakh bulātī tirī sadā mujh ko

sameTtā rahā ḳhud ko maiñ umr-bhar lekin

bikhertā rahā shabnam kā silsila mujh ko

ghulī jo raat kī ḳhushbū to sāzishī jaage

dahaktī āñkhoñ ne ghere meñ le liyā mujh ko

Thahar sakī na agar chāñdnī to kyā ġham hai

yahī bahut hai ki tū yaad aa gayā mujh ko

tera hi rup nazar aae ja-ba-ja mujh ko

jo ho sake ye tamasha na tu dikha mujh ko

kabhi to koi falak se utar ke pas aae

kabhi to Dasne se baz aae fasla mujh ko

talash karte ho phulon mein kaise pagal ho

uDa ke le bhi gai subh ki hawa mujh ko

kise KHabar ki sada kis taraf se aaegi

kahan se aa ke uThaega qafila mujh ko

mera hi naqsh-e-qadam tha mere taaqub mein

wagarna lakh bulati teri sada mujh ko

sameTta raha KHud ko main umr-bhar lekin

bikherta raha shabnam ka silsila mujh ko

ghuli jo raat ki KHushbu to sazishi jage

dahakti aankhon ne ghere mein le liya mujh ko

Thahar saki na agar chandni to kya gham hai

yahi bahut hai ki tu yaad aa gaya mujh ko