tera majaz haqiqat se ham-kanar bhi hai

tirā majāz haqīqat se ham-kanār bhī hai

jo āshkār nahīñ hai vo āshkār bhī hai

vo āb-o-gil ki navāzā hai aap ne jis ko

vahī mazār bhī hai sāhib-e-mazār bhī hai

bahār-e-‘ālam-e-jāñ tīra-ḳhāk-dāñ meñ kahāñ

tirā karam hai ki ye ḳhāk-dāñ bahār bhī hai

ye mehr-o-māh ye anjum ye kahkashāñ ye phuul

har ek tere tabassum kī yādgār bhī hai

tirā mazāq-e-mohabbat hai kufr-o-dīñ se buland

magar vo māya-e-nūr-o-matā'-e-nār bhī hai

surūr-e-majlis-e-rūhāniyāñ tire dam se

tamām ‘ālam-e-ajsām kaif-bār bhī hai

ye merī jaan ke ā.īne meñ tirī tasvīr

ye isti'āra-e-jāñ tujh se musta'ār bhī hai

ta’ayyunāt kī parvardigār-o-kHāliq hai

vo ek terī tavajjoh ki be-shumār bhī hai

sadā-e-kun-faya-kūn 'ilm se irāda hai

usī irāde pe takvīn kā madār bhī hai

sadā-e-kun-faya-kūn 'ilm se irāda hai

irāda ‘ain murīd-o-murād-e-yār bhī hai

tera majaz haqiqat se ham-kanar bhi hai

jo aashkar nahin hai wo aashkar bhi hai

wo aab-o-gil ki nawaza hai aap ne jis ko

wahi mazar bhi hai sahib-e-mazar bhi hai

bahaar-e-‘alam-e-jaan tira-KHak-dan mein kahan

tera karam hai ki ye KHak-dan bahaar bhi hai

ye mehr-o-mah ye anjum ye kahkashan ye phul

har ek tere tabassum ki yaadgar bhi hai

tera mazaq-e-mohabbat hai kufr-o-din se buland

magar wo maya-e-nur-o-mata'-e-nar bhi hai

surur-e-majlis-e-ruhaniyan tere dam se

tamam ‘alam-e-ajsam kaif-bar bhi hai

ye meri jaan ke aaine mein teri taswir

ye isti'ara-e-jaan tujh se musta'ar bhi hai

ta’ayyunat ki parwardigar-o-kHaliq hai

wo ek teri tawajjoh ki be-shumar bhi hai

sada-e-kun-faya-kun 'ilm se irada hai

usi irade pe takwin ka madar bhi hai

sada-e-kun-faya-kun 'ilm se irada hai

irada ‘ain murid-o-murad-e-yar bhi hai