tera nishana hun main tir ban ke mujh mein aa

tirā nishāna huuñ maiñ tiir ban ke mujh meñ aa

maiñ ik frame huuñ tasvīr ban ke mujh meñ aa

bahut dinoñ se ḳhushī kī talāsh meñ huuñ maiñ

tū koī hādisa dil-gīr ban ke mujh meñ aa

maiñ koshisheñ to agar chāhūñ kar hī saktā huuñ

mirī tamanna hai taqdīr ban ke mujh meñ aa

mirā darūn bhī pheñkā huā hai yūsuf sā

kisī taraf se koī 'iir ban ke mujh meñ aa

guzishta ahd meñ rūmān likh chukā huuñ bahut

tū raqs chhoḌ de zanjīr ban ke mujh meñ aa

maiñ ishq-khel kī shakleñ badalne vaalā huuñ

shikārī ab ke tū naḳhchīr ban ke mujh meñ aa

javān kar isī punjab kī rivāyat ko

chanāb chaḌhtā hai to hiir ban ke mujh meñ aa

saqīl lafzoñ meñ likhtā huuñ maiñ ġhazal aksar

maiñ 'saudā' bantā huuñ tū 'mīr' ban ke mujh meñ aa

tera nishana hun main tir ban ke mujh mein aa

main ek frame hun taswir ban ke mujh mein aa

bahut dinon se KHushi ki talash mein hun main

tu koi hadisa dil-gir ban ke mujh mein aa

main koshishen to agar chahun kar hi sakta hun

meri tamanna hai taqdir ban ke mujh mein aa

mera darun bhi phenka hua hai yusuf sa

kisi taraf se koi 'ir ban ke mujh mein aa

guzishta ahd mein ruman likh chuka hun bahut

tu raqs chhoD de zanjir ban ke mujh mein aa

main ishq-khel ki shaklen badalne wala hun

shikari ab ke tu naKHchir ban ke mujh mein aa

jawan kar isi punjab ki riwayat ko

chanab chaDhta hai to hir ban ke mujh mein aa

saqil lafzon mein likhta hun main ghazal aksar

main 'sauda' banta hun tu 'mir' ban ke mujh mein aa