tera qusur nahin dost bewafa hona

tirā qusūr nahīñ dost bevafā honā

mire nasīb meñ likkhā thā ġham-zada honā

ajab nahīñ hai kahīñ koī hādisa honā

zamāna chāhtā hai kuchh na kuchh nayā honā

tirī ḳhamoshī bhī mujh ko aziiz hai lekin

tū dekh merī mohabbat kī intihā honā

vo chāhtā hī nahīñ bevafā zamāne meñ

mere laboñ pe kisī taur iltijā honā

dhaḌak rahā hai mire dil meñ vo hamesha se

use qubūl nahīñ merā devtā honā

charāġh-e-ishq bujhā hai na bujh sakegā kabhī

zamāne dekh havā kā terī havā honā

ye fāsle kī alāmat hai darmiyāñ apne

jo baat baat pe ho jaa.e faisla honā

nazar nazar pe lage haiñ fareb ke parde

bahut zarūrī hai chehre kā aa.ina honā

badalte daur meñ ab to bahut hī mushkil hai

'zahīn' dil kā kisī dil se āshnā honā

tera qusur nahin dost bewafa hona

mere nasib mein likkha tha gham-zada hona

ajab nahin hai kahin koi hadisa hona

zamana chahta hai kuchh na kuchh naya hona

teri KHamoshi bhi mujh ko aziz hai lekin

tu dekh meri mohabbat ki intiha hona

wo chahta hi nahin bewafa zamane mein

mere labon pe kisi taur iltija hona

dhaDak raha hai mere dil mein wo hamesha se

use qubul nahin mera dewta hona

charagh-e-ishq bujha hai na bujh sakega kabhi

zamane dekh hawa ka teri hawa hona

ye fasle ki alamat hai darmiyan apne

jo baat baat pe ho jae faisla hona

nazar nazar pe lage hain fareb ke parde

bahut zaruri hai chehre ka aaina hona

badalte daur mein ab to bahut hi mushkil hai

'zahin' dil ka kisi dil se aashna hona