tera rasta badalna dekhte hain

tirā rasta badalnā dekhte haiñ

so dariyā kā utarnā dekhte haiñ

tumhārī aañkh merā aa.ina hai

so tum meñ ham zamāna dekhte haiñ

tirī āñkhoñ meñ hairat thī namī thī

vo kaisā thā fasāna dekhte haiñ

paḌāv dāstāñ meñ aa gayā ye

koī kuTiyā Thikāna dekhte haiñ

tumheñ ranjish malāl-e-ishq hai gar

chalo phir sochnā kyā dekhte haiñ

atā-e-ishq hai ye dard hamdam

ḳhushī ko be-Thikāna dekhte haiñ

tera rasta badalna dekhte hain

so dariya ka utarna dekhte hain

tumhaari aankh mera aaina hai

so tum mein hum zamana dekhte hain

teri aankhon mein hairat thi nami thi

wo kaisa tha fasana dekhte hain

paDaw dastan mein aa gaya ye

koi kuTiya Thikana dekhte hain

tumhein ranjish malal-e-ishq hai gar

chalo phir sochna kya dekhte hain

ata-e-ishq hai ye dard hamdam

KHushi ko be-Thikana dekhte hain