tera tazkira su-ba-su kyun karen hum

tirā tazkira sū-ba-sū kyuuñ kareñ ham

mohabbat ko be-ābrū kyuuñ kareñ ham

likhī hai muqaddar meñ nā-kāmyābī

kareñ to ġham-e-ārzū kyuuñ kareñ ham

agar rañg-o-bū is chaman kā hai faanī

nazar mā.il-e-rañg-o-bū kyuuñ kareñ ham

hasīnoñ kā pās-e-vafā ġhair-mumkin

hasīnoñ se ye aarzū kyuuñ kareñ ham

adāvat hī jab hāsil-e-dostī hai

mohabbat kī phir aarzū kyuuñ kareñ ham

kareñ kyuuñ tumhāre sitam kī shikāyat

mohabbat ko be-ābrū kyuuñ kareñ ham

agar 'shād' ham ḳhud hī kho.e hue haiñ

kisī aur kī justujū kyuuñ kareñ ham

tera tazkira su-ba-su kyun karen hum

mohabbat ko be-abru kyun karen hum

likhi hai muqaddar mein na-kaamyabi

karen to gham-e-arzu kyun karen hum

agar rang-o-bu is chaman ka hai fani

nazar mail-e-rang-o-bu kyun karen hum

hasinon ka pas-e-wafa ghair-mumkin

hasinon se ye aarzu kyun karen hum

adawat hi jab hasil-e-dosti hai

mohabbat ki phir aarzu kyun karen hum

karen kyun tumhaare sitam ki shikayat

mohabbat ko be-abru kyun karen hum

agar 'shad' hum KHud hi khoe hue hain

kisi aur ki justuju kyun karen hum