tere bazuon ka sahaara to le lun magar un mein bhi rach gai hai thakan

tire bāzūoñ kā sahārā to le luuñ magar un meñ bhī rach ga.ī hai thakan

maiñ sahrā se bach kar chaman meñ to aa.uuñ pa sahrā se kuchh kam nahīñ ye chaman

mirī ziist kī raah tārīk thī chāñd ban kar tum aa.e to raushan huī

ye raah aaj phir tīra-o-tār hai ġhāliban chāñd ko lag gayā hai gahan

har ik samt nāgin kī sūrat lapaktī huī tīrgī se hirāsāñ na ho

ajab kyā ki lau de uThe mere lams-e-farozāñ se terā sulagtā badan

ye ashkoñ se bhīgī huī muskurāhaT muravvat kā e.ajāz hai varna

ġhamoñ kī havāoñ meñ uḌtā huā dekh kar aa rahe haiñ koī pairahan

firāq-e-lab-o-zulf par munhasir kam hī paa.ī hai ahl-e-vafā kī taḌap

tum āġhosh ke tañg halqe meñ ho phir bhī har lamha afzūñ hai dil kī jalan

tere bazuon ka sahaara to le lun magar un mein bhi rach gai hai thakan

main sahra se bach kar chaman mein to aaun pa sahra se kuchh kam nahin ye chaman

meri zist ki rah tarik thi chand ban kar tum aae to raushan hui

ye rah aaj phir tira-o-tar hai ghaaliban chand ko lag gaya hai gahan

har ek samt nagin ki surat lapakti hui tirgi se hirasan na ho

ajab kya ki lau de uThe mere lams-e-farozan se tera sulagta badan

ye ashkon se bhigi hui muskurahaT murawwat ka eajaz hai warna

ghamon ki hawaon mein uDta hua dekh kar aa rahe hain koi pairahan

firaq-e-lab-o-zulf par munhasir kam hi pai hai ahl-e-wafa ki taDap

tum aaghosh ke tang halqe mein ho phir bhi har lamha afzun hai dil ki jalan