tere baghair ajab baam-o-dar ka aalam hai
tire baġhair ajab bām-o-dar kā aalam hai
kahāñ vo dasht kā hogā jo ghar kā aalam hai
paḌe gharoñ pe ye uftād kyā ki logoñ ke
qayām se bhī numāyāñ safar kā aalam hai
jo dekhte haiñ vo tahrīr kar nahīñ sakte
ye mere shahr ke ahl-e-hunar kā aalam hai
zarā jo chhāñv meñ baiTho to jism jal jaa.e
ye sāya-dār hai ye is shajar kā aalam hai
sukūt sā hai udhar bhī idhar bhī sannāTā
jo manziloñ kā vahī rahguzar kā aalam hai
mire aur us ke sitāre ab ek haiñ 'ḳhāvar'
jo kal idhar thā vahī ab udhar kā aalam hai
tere baghair ajab baam-o-dar ka aalam hai
kahan wo dasht ka hoga jo ghar ka aalam hai
paDe gharon pe ye uftad kya ki logon ke
qayam se bhi numayan safar ka aalam hai
jo dekhte hain wo tahrir kar nahin sakte
ye mere shahr ke ahl-e-hunar ka aalam hai
zara jo chhanw mein baiTho to jism jal jae
ye saya-dar hai ye is shajar ka aalam hai
sukut sa hai udhar bhi idhar bhi sannaTa
jo manzilon ka wahi rahguzar ka aalam hai
mere aur us ke sitare ab ek hain 'KHawar'
jo kal idhar tha wahi ab udhar ka aalam hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
