tere baghair hai ab ye meri KHushi ai dost

tire baġhair hai ab ye mirī ḳhushī ai dost

ḳhushī mile na mujhe umr-bhar kabhī ai dost

tirā ḳhayāl thā maqsūd-e-zindagī apnā

tirī talab thī añdhere meñ raushnī ai dost

ab is ke baa'd kise aarzū hai jiine kī

tirī nigāh-e-karam tak thī zindagī ai dost

tirī judā.ī meñ aksar ye sochtā huuñ maiñ

na jaane kaise kaTegī ye zindagī ai dost

jo tujh ko DhūñDhnā chāhā to kyā gunāh kiyā

tirī talāsh koī jurm to na thī ai dost

hañsā bhī huuñ maiñ bahut is hayāt-e-fānī meñ

ab aa.egī na laboñ par kabhī hañsī ai dost

baḌā sitam hai mile tujh se tere 'shāriq' ko

tire jamāl se mahrūm zindagī ai dost

tere baghair hai ab ye meri KHushi ai dost

KHushi mile na mujhe umr-bhar kabhi ai dost

tera KHayal tha maqsud-e-zindagi apna

teri talab thi andhere mein raushni ai dost

ab is ke ba'd kise aarzu hai jine ki

teri nigah-e-karam tak thi zindagi ai dost

teri judai mein aksar ye sochta hun main

na jaane kaise kaTegi ye zindagi ai dost

jo tujh ko DhunDhna chaha to kya gunah kiya

teri talash koi jurm to na thi ai dost

hansa bhi hun main bahut is hayat-e-fani mein

ab aaegi na labon par kabhi hansi ai dost

baDa sitam hai mile tujh se tere 'shaariq' ko

tere jamal se mahrum zindagi ai dost