tere dar pe jalwa jo hum dekhte hain

tire dar pe jalva jo ham dekhte haiñ

ḳhudā kī ḳhudā.ī meñ kam dekhte haiñ

jo ham shab ko ḳhvāb-e-adam dekhte haiñ

to har samt sair-e-iram dekhte haiñ

pas-e-marg ḳhalvat meñ baiThe haiñ aise

na vo dekhte haiñ na ham dekhte haiñ

tumhārī sī sūrat tumhārī sī sīrat

hasīnoñ ke jamghaT meñ kam dekhte haiñ

nazar kī nazar se hai hasrat bharā dil

nazar bhar ke un ko na ham dekhte haiñ

na mānūñgā jaage kaheñ raat bhar ho

bharī niiñd āñkhoñ meñ ham dekhte haiñ

shab-e-hijr rote guzartī hai 'shabnam'

fanā hī fanā sub.h-dam dekhte haiñ

tere dar pe jalwa jo hum dekhte hain

KHuda ki KHudai mein kam dekhte hain

jo hum shab ko KHwab-e-adam dekhte hain

to har samt sair-e-iram dekhte hain

pas-e-marg KHalwat mein baiThe hain aise

na wo dekhte hain na hum dekhte hain

tumhaari si surat tumhaari si sirat

hasinon ke jamghaT mein kam dekhte hain

nazar ki nazar se hai hasrat bhara dil

nazar bhar ke un ko na hum dekhte hain

na manunga jage kahen raat bhar ho

bhari nind aankhon mein hum dekhte hain

shab-e-hijr rote guzarti hai 'shabnam'

fana hi fana subh-dam dekhte hain