tere dar se nikalna yaad aaya

tire dar se nikalnā yaad aaya

musāfir dil ko ye kyā yaad aaya

achānak kho ga.iiñ maazī meñ āñkheñ

koī mānūs chehra yaad aaya

kisī āġhosh kī tahvīl meñ the

sukūñ kā ek lamha yaad aaya

ḳhudā-nā-karda tum ko tanhā chhoḌūñ

kisī lab kā vazīfa yaad aaya

hameñ 'abbās' jis ko bhūlnā thā

vahī ham ko hamesha yaad aayā

tere dar se nikalna yaad aaya

musafir dil ko ye kya yaad aaya

achanak kho gain mazi mein aankhen

koi manus chehra yaad aaya

kisi aaghosh ki tahwil mein the

sukun ka ek lamha yaad aaya

KHuda-na-karda tum ko tanha chhoDun

kisi lab ka wazifa yaad aaya

hamein 'abbas' jis ko bhulna tha

wahi hum ko hamesha yaad aaya