tere dayar mein koi gham-ashna to nahin

tire dayār meñ koī ġham-āshnā to nahīñ

magar vahāñ ke sivā aur rāstā to nahīñ

simaT ke aa ga.ī duniyā qarīb-e-mai-ḳhāna

koī batāo yahī ḳhāna-e-ḳhudā to nahīñ

laboñ par aaj tabassum kī mauj machlī hai

koī mujhe kisī goshe se dekhtā to nahīñ

banā leñ raah isī ḳhār-zār se ho kar

junūn-e-shauq kā ye faisla burā to nahīñ

sabab ho kuchh bhī tire infi.āl kā lekin

mirī shikast se pahle kabhī huā to nahīñ

na reg-e-garm na kāñTe na rāhzan na ġhanīm

ye rāsta kahīñ ġhairoñ kā rāsta to nahīñ

dayār-e-sajda meñ taqlīd kā rivāj bhī hai

jahāñ jhukī hai jabīñ un kā naqsh-e-pā to nahīñ

ḳhayāl-e-sāhil o fikr-e-tabāh-kāri-e-mauj

ye sab hai phir bhī tamannā-e-nāḳhudā to nahīñ

tere dayar mein koi gham-ashna to nahin

magar wahan ke siwa aur rasta to nahin

simaT ke aa gai duniya qarib-e-mai-KHana

koi batao yahi KHana-e-KHuda to nahin

labon par aaj tabassum ki mauj machli hai

koi mujhe kisi goshe se dekhta to nahin

bana len rah isi KHar-zar se ho kar

junun-e-shauq ka ye faisla bura to nahin

sabab ho kuchh bhi tere infial ka lekin

meri shikast se pahle kabhi hua to nahin

na reg-e-garm na kanTe na rahzan na ghanim

ye rasta kahin ghairon ka rasta to nahin

dayar-e-sajda mein taqlid ka riwaj bhi hai

jahan jhuki hai jabin un ka naqsh-e-pa to nahin

KHayal-e-sahil o fikr-e-tabah-kari-e-mauj

ye sab hai phir bhi tamanna-e-naKHuda to nahin