tere firaq mein jab bhi bahaar guzri hai
tire firāq meñ jab bhī bahār guzrī hai
hameñ rulā ke lahū baar baar guzrī hai
panāh ḳhudā kī hasīnoñ kī bad-mizājī se
mirī duā bhī unheñ nāgavār guzrī hai
tamām raat sitāroñ ke saath royā huuñ
na pūchh kaise shab-e-intizār guzrī hai
tirā nasīb agar tū ne pī nahīñ zāhid
bahār varna baḌī pur-bahār guzrī hai
ham apne dard ko ro.eñ to kis liye āḳhir
shab-e-firāq kise sāzgār guzrī hai
kisī kī yaad meñ ham ko 'naresh' taḌpā kar
uThā ke hashr nasīm-e-bahār guzrī hai
tere firaq mein jab bhi bahaar guzri hai
hamein rula ke lahu bar bar guzri hai
panah KHuda ki hasinon ki bad-mizaji se
meri dua bhi unhen nagawar guzri hai
tamam raat sitaron ke sath roya hun
na puchh kaise shab-e-intizar guzri hai
tera nasib agar tu ne pi nahin zahid
bahaar warna baDi pur-bahaar guzri hai
hum apne dard ko roen to kis liye aaKHir
shab-e-firaq kise sazgar guzri hai
kisi ki yaad mein hum ko 'naresh' taDpa kar
uTha ke hashr nasim-e-bahaar guzri hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
