tere firaq mein yun zindagi sanwar jae

tire firāq meñ yuuñ zindagī sañvar jaa.e

har ek lamha tirī yaad meñ guzar jaa.e

nashāt-e-vasl-o-ġham-e-hijr ke sahāre par

burā hī kyā hai agar zindagī guzar jaa.e

hayāt jism kā jaise uphantā dariyā hai

koī zī-hausla jo ho to paar utar jaa.e

ham us kī maañg meñ sindūr bharne aa.e haiñ

ġham-e-hayāt se kah do zarā sañvar jaa.e

kahīñ to ḳhatm ho ye regzār-e-sūd-o-ziyāñ

kahīñ to aa ke zamāna zarā Thahar jaa.e

'kañval' zarā use ḳhūn-e-jigar se bharne do

ki husn-e-ārzū kuchh aur bhī nikhar jaa.e

tere firaq mein yun zindagi sanwar jae

har ek lamha teri yaad mein guzar jae

nashat-e-wasl-o-gham-e-hijr ke sahaare par

bura hi kya hai agar zindagi guzar jae

hayat jism ka jaise uphanta dariya hai

koi zi-hausla jo ho to par utar jae

hum us ki mang mein sindur bharne aae hain

gham-e-hayat se kah do zara sanwar jae

kahin to KHatm ho ye regzar-e-sud-o-ziyan

kahin to aa ke zamana zara Thahar jae

'kanwal' zara use KHun-e-jigar se bharne do

ki husn-e-arzu kuchh aur bhi nikhar jae