tere gham ke siwa har ek gham na-motabar jaana

tire ġham ke sivā har ek ġham nā-mo'tabar jaanā

hameñ aatā hai tere naam par had se guzar jaanā

ba-īñ-hālāt manzil tak pahuñchnā saḳht mushkil thā

ki jis ne kārvāñ luuTā usī ko rāhbar jaanā

talāsh-e-sub.h-e-nau meñ sa.i-e-lā-hāsil ko kyā kahiye

vo niklī ik shab-e-tīra jise nūr-e-sahar jaanā

vahī be-gāna-e-hosh-o-ḳhirad sābit hue hamdam

vo jin ko dīda-var samjhā jinheñ ahl-e-nazar jaanā

dayār-e-ishq meñ vo bhī maqām aa hī gayā āḳhir

jahāñ sar jhuk gayā apnā tumhārā sang-e-dar jaanā

alam kyā hai ma.āl-e-zīst kā hāsil samajh lenā

ḳhushī kyā hai yahāñ hālāt kā qadre sañvar jaanā

inhoñ ne aabrū rakh lī chaman meñ āshiyāne kī

'qamar' ahl-e-gulistāñ ne jinheñ be-bāl-o-par jaanā

tere gham ke siwa har ek gham na-mo'tabar jaana

hamein aata hai tere nam par had se guzar jaana

ba-in-haalat manzil tak pahunchna saKHt mushkil tha

ki jis ne karwan luTa usi ko rahbar jaana

talash-e-subh-e-nau mein sai-e-la-hasil ko kya kahiye

wo nikli ek shab-e-tira jise nur-e-sahar jaana

wahi be-gana-e-hosh-o-KHirad sabit hue hamdam

wo jin ko dida-war samjha jinhen ahl-e-nazar jaana

dayar-e-ishq mein wo bhi maqam aa hi gaya aaKHir

jahan sar jhuk gaya apna tumhaara sang-e-dar jaana

alam kya hai maal-e-zist ka hasil samajh lena

KHushi kya hai yahan haalat ka qadre sanwar jaana

inhon ne aabru rakh li chaman mein aashiyane ki

'qamar' ahl-e-gulistan ne jinhen be-baal-o-par jaana