tere ghurur ka huliya bigaD Dalunga

tire ġhurūr kā huliya bigāḌ Dālūñgā

maiñ aaj terā garebān phaaḌ Dālūñgā

tarah tarah ke shagūfe jo chhoḌtā hai tū

maiñ dil kā bāġh-e-numū hī ujaaḌ Dālūñgā

kahāñ kā sail-e-ajal tā-kinār-gāh-e-īd

maiñ huuñ adam meñ sabhī ko latāḌ Dālūñgā

bahut adā se tū guzrā hai chashma-sāroñ se

ye sun ki raah meñ terī maiñ baaḌ Dālūñgā

shaguftagī kī tirī yaad jo dilāte haiñ

maiñ aise saare hī paudhe ukhāḌ Dālūñgā

ye tai kiyā hai ki dariyā-e-mauj-mastī ko

sarāb-e-dasht-e-tapīdā meñ gaaḌ Dālūñgā

tamām naqsh-e-tamannā fareb the so the

maiñ saare naqsh-e-tamannā bigāḌ Dālūñgā

jo rishta hai dil-e-jāñ kā hai sar-ba-sar jhūTā

sau maiñ to ab dil-o-jāñ meñ darāḌ Dālūñgā

jhanDole bāloñ kī pur-fitna us se kah denā

maiñ is kamīn ko zinda hī gaaḌ Dālūñgā

mujhe to ab use dañggal meñ ganda karnā hai

sau maiñ use bure hāloñ pachhāḌ Dālūñgā

tere ghurur ka huliya bigaD Dalunga

main aaj tera gareban phaD Dalunga

tarah tarah ke shagufe jo chhoDta hai tu

main dil ka bagh-e-numu hi ujaD Dalunga

kahan ka sail-e-ajal ta-kinar-gah-e-id

main hun adam mein sabhi ko lataD Dalunga

bahut ada se tu guzra hai chashma-saron se

ye sun ki rah mein teri main baD Dalunga

shaguftagi ki teri yaad jo dilate hain

main aise sare hi paudhe ukhaD Dalunga

ye tai kiya hai ki dariya-e-mauj-masti ko

sarab-e-dasht-e-tapida mein gaD Dalunga

tamam naqsh-e-tamanna fareb the so the

main sare naqsh-e-tamanna bigaD Dalunga

jo rishta hai dil-e-jaan ka hai sar-ba-sar jhuTa

sau main to ab dil-o-jaan mein daraD Dalunga

jhanDole baalon ki pur-fitna us se kah dena

main is kamin ko zinda hi gaD Dalunga

mujhe to ab use danggal mein ganda karna hai

sau main use bure haalon pachhaD Dalunga