tere hathon mein jab ho hath to ham-zor lagta hai

tire hāthoñ meñ jab ho haath to ham-zor lagtā hai

magar jab saath chalnā ho mirā kyuuñ zor lagtā hai

mohabbat ke mazāhib meñ suno donoñ hī kāfir haiñ

tirā īmāñ mujhe merā tujhe kamzor lagtā hai

asar kuchh hādsoñ kā yuuñ paḌā merī samā.at par

kisī kā dhīmā lahja bhī mujhe ab shor lagtā hai

suno insān jo insāniyat se duur rahtā ho

mujhe insāñ nahīñ lagtā vo ādam-ḳhor lagtā hai

hamāre do diloñ ke darmiyāñ sarhad hai nafrat kī

vagarna saath amaritsar hī ke lahore lagtā hai

ye jis shohrat ko tum izzat gañvā kar mo'atabar samjhe

ki izzat ko kamāne meñ suno ik daur lagtā hai

ġhazal saarī hī terī Thiik hai apnī jagah lekin

mujhe matle.a kā saanī bas zarā kamzor lagtā hai

hunar hai aap kā dil jiit lenā jhūTī bātoñ se

'razī' sachchī sunātā hai tabhī muñh-zor lagtā hai

tere hathon mein jab ho hath to ham-zor lagta hai

magar jab sath chalna ho mera kyun zor lagta hai

mohabbat ke mazahib mein suno donon hi kafir hain

tera iman mujhe mera tujhe kamzor lagta hai

asar kuchh hadson ka yun paDa meri samaat par

kisi ka dhima lahja bhi mujhe ab shor lagta hai

suno insan jo insaniyat se dur rahta ho

mujhe insan nahin lagta wo aadam-KHor lagta hai

hamare do dilon ke darmiyan sarhad hai nafrat ki

wagarna sath amaritsar hi ke lahore lagta hai

ye jis shohrat ko tum izzat ganwa kar mo'atabar samjhe

ki izzat ko kamane mein suno ek daur lagta hai

ghazal sari hi teri Thik hai apni jagah lekin

mujhe matlea ka sani bas zara kamzor lagta hai

hunar hai aap ka dil jit lena jhuTi baaton se

'razi' sachchi sunata hai tabhi munh-zor lagta hai