tere iltifat ki baat thi teri be-ruKHi ke gile na the

tire iltifāt kī baat thī tirī be-ruḳhī ke gile na the

tujhe shāyad us kī ḳhabar to ho ki hamāre hoñT sile na the

kisī ahl-e-dard se pochhiye zarā is chaman kā mo.āmla

vo chaman ki fasl-e-bahār meñ bhī jahāñ pe phuul khile na the

ye rah-e-talab kī masāfateñ kahīñ ḳhaar hai kahīñ daar hai

sar-e-kū-e-yār khaḌe the yuuñ ki qadam hamāre hile na the

bhalā arz-e-ġham se guzar ke bhī kabhī tum se koī gila kiyā

ye junūn-e-ishq ke tazkire to mirī vafā ke sile na the

jo adū ko bazm huī to kyā vo kuchh is tarah haiñ gurez-pā

kisī raah meñ kisī moḌ par kabhī jaise ham se mile na the

tere iltifat ki baat thi teri be-ruKHi ke gile na the

tujhe shayad us ki KHabar to ho ki hamare honT sile na the

kisi ahl-e-dard se pochhiye zara is chaman ka moamla

wo chaman ki fasl-e-bahaar mein bhi jahan pe phul khile na the

ye rah-e-talab ki masafaten kahin KHar hai kahin dar hai

sar-e-ku-e-yar khaDe the yun ki qadam hamare hile na the

bhala arz-e-gham se guzar ke bhi kabhi tum se koi gila kiya

ye junun-e-ishq ke tazkire to meri wafa ke sile na the

jo adu ko bazm hui to kya wo kuchh is tarah hain gurez-pa

kisi rah mein kisi moD par kabhi jaise hum se mile na the